Kujdesu për mua ti,
kur mërzitem,
kur buzëqesh,kur hesht,
Më merr në krahët e tua
e me forcën
e buzëqeshjes më mbro.
Për sytë e mbushur me lot,
mos u shqetëso,
është thjesht një moment,
grimcat e mallit
do largohen përsëri.
E kujdesu për mua ti,
edhe pse e rritur
mbetem një fëmijë,
Si një grusht karamelsh
lumturinë dhe buzëqeshjen
e kërkoj me kokëfortësi!
E kujdesu për mua ti,
është e shtrenjtë
koha e mbushur me dashuri !
