Presidenti i CEFA-së, Matthias Limbeck deklaron në Kongresin e Aleancës së Panaireve të Evropës Qendrore:
CEFA, Aleanca e Panaireve të Evropës Qendrore do të mbështesë Klik Ekspo Group për ngritjen në Shqipëri të një qendre panairesh të standarteve më të larta ndërkombëtare, deklaroi Presidenti i saj Matthias Limbeck në Kongresin e këtij organizmi të realizuar sot në Tiranë. Ky ishte edhe një nga eventet më të rëndësishme zyrtare të organizuara në kuadër të Panairit Ndërkombëtar të Tiranës dhe të festimeve të 100 Vjetorit të Pavarësisë së Shqipërisë. Në këtë takim, merrnin pjesë drejtuesit më të lartë të panaireve të Evropës Qendrore dhe Juglindore, si dhe njohës të zhdërvjelltë të tregut dhe marrëdhënieve ndërkombëtare që përfaqësojnë kulme të industrisë së panaireve. Ishin titullarë të Panairit te Munihut, të Vjenës – Reed Exhibition, Bolzanos, Milanos, Shkupit, Beogradit, Zagrebit etj, të gatshëm edhe për të lobuar pro investimeve të vendeve të tyre drejt Shqipërisë.
Në mbyllje të Kongresit, Klik Ekspo Group zhvilloi në një nga sallat e Hotel Rogner në Tiranë një konferencë për shtyp në kuadër të takimi të rradhës me drejtuesit e CEFA (Central European Fair Alliance), anëtare e se cilës është që prej vitit 2009. Krahas evidentimit të rolit të Shqipërisë, nëpërmjet Klik Ekspo Group, theksi i takimit u vu mbi projektin më të ri nga Klik Ekspo Group, atë të ndërtimit të një Qendre panairesh në Tiranë. Qendra është konceptuar si një hapësirë multifunksionale, ku 30.000 metra katrorë parashikohen të jenë hapësirë e mbuluar dhe 30.000 të tjerë hapësirë e hapur, në një strukturë që premton të jetë eficente gjatë ditës, por edhe gjatë natës, e ku gjithpërfshirja krijon dinamikë dhe diversitet optimal për të qenë stacioni i ri për të gjitha brezat. Presidenti i CEFA-së, Zoti Matthias Limbeck tha se, mbështetja ndaj Shqipërisë dhe kësaj ndërmarrjeje madhore do jetë e garantuar, siç ka ndodhur me secilin prej 24 antarëve të kësaj Aleance në të gjithë rajonin e Europës Qëndrore dhe Jugperëndimore, ku kjo e fundit operon. “Përmes CEFA-s jemi përpjekur të krijojmë një rrjet komunikimi, ku falë forumeve dhe takimeve të shumta kemi mundësinë të shtrojmë problemet në lidhje me fushën e panaireve dhe t’u gjejmë zgjidhje atyre” – tha Presidenti Limbeck.
CEFA gëzon admirim të madh për punën e kryer nga Klik Ekspo Group, pasi sipas drejtuesve të saj është hallkë shumë e rëndësishme në mënyrën se si afron dhe prezanton konsumatorin me prodhuesin, shitësin me blerësin. Nga ana tjetër u evidentua se, Shqipëria gëzon interes të lartë nga kompanitë ndërkombëtare, si një vend me potenciale pozitive për investime në të ardhmen. Kjo justifikon numrin çdo vit e më të lartë të prezantuesve të bizneseve të huaja në panairet e Tiranës të organizuara nga Klik Ekspo Group. E ardhmja mbetet sfidë për shkak të krizës ekonomike botërore, por janë pikërisht panaire të tilla të cilat u vijnë në ndihmë veçanërisht sipërmarrjeve të vogla dhe të mesme.
Rreth CEFA
CEFA – Aleanca e Panaireve të Evropës Qendrore u themelua në janar të vitit 1995, si një organizëm që do të bënte të mundur zhvillimin në Evropën Qendrore dhe Juglindore të panaireve dhe ekspozita të rëndësisë ndërkombëtare, që shtrihen edhe përtej kufijve të thjeshtë fizike të 24 anëtarëve themeltarë që kanë bashkuar forcat në CEFA. Organizatorët në Beograd, Bolzano / Bozen, Brno, Bukuresht (Romexpo, Nexidian), Budapest, Budva, Celje (Celjski Sejem, ICM), Chisinau, Grac, Klagenfurt, Lubjanë, Mynih (München Messe, Gesellschaft für Handëerksmessen), Novi Sad, Plovdiv, Pordenone, Sarajevë, Shkup, Sofje, Vjenë dhe Zagreb (CBBS) kanë vendosur për të përmbushur procesin e integrimit evropian, duke punuar së bashku më ngushtë në fushën e marketingut dhe marrëdhënieve publike, duke shkëmbyer know-how dhe nxitur pjesëmarrjen në trajnime e aktivitete të përbashkëta.
Objektivi i CEFA është për të trajtuar e ofruar zgjidhje të problemeve të reja në një moshë të globalizimit në rritje në të ardhmen. Bashkimi Evropian ka krijuar një treg të ri që ofron diversitet të ri, mundësi të reja dhe shitje të reja potenciale. Për shkak ky organizëm përfshin vendet e Evropës Qendrore dhe Juglindore, CEFA mund të japë një kontribut të veçantë në zhvillimin e procesit të integrimit evropian. CEFA kombinon ekspertizë marketingu dhe shitjesh bazuar në rekorde të anëtarësisë saj prej më shumë se 60 vjet ushtrimi të organizimit të panaireve në rajon. CEFA punon në dhjetëra gjuhë dhe ofron përvojë në të gjitha kontekstet kulturore që gjenden në vendet e anëtarëve të saj në shtëpi.
Më shumë se vetëm bashkimi në vende të ndryshme për ekspozita nën një ombrellë të përbashkët publike marrëdhëniesh, CEFA ka ngritur një rrjet për komunikime, know-how transferimin dhe trajnimit për të rritur cilësinë e shërbimeve organizative dhe marketingut.
Misioni CEFA-së është të ndihmojë anëtarët me cilësi të larta dhe hapur porta të biznesit në tregjet në rritje të Evropës Qendrore dhe Juglindore, duke i kthyer ato në shpërndarës për kontakte, përhapje dhe lidhje kontratash në të gjithë rajonin.
Konferenca për medie e Aleancës së Panaireve të Evropës Qendrore pas përfundimit të Kongresit të zhvilluar në Tiranë më 29 nëntor 2012
Presidenti i Klik Ekspo Group, Luani Muhametaj:
Klik Ekspo Group hap këtë konferencë shtypi me rastin e përfundimit me sukses të punimeve të Kongresit të Aleancës së Panaireve të Evropës Qendrore. Ky event përkon edhe me organizimin e Panairit Ndërkombëtar të Tiranës në datat 26 deri 30 nëntor, por edhe me festimet e 100 vjetorit të pavarësisë së shtetit shqiptar. Në emër të Klik Ekspo Group u shpreh një falenderim të veçantë Presidentit të CEFA-së, zotit Matthias Limbeck dhe Sekretarit të Përgjithshëm të CEFA-së, zotit Franz Reisbeck. Gjithashtu, falenderoj të gjithë drejtuesit e panaireve të Evropës Qendrore që na nderuan me praninë e tyre në ketë eveniment, por edhe ne Panairin e Tiranës.
Një falenderim të veçantë kam për median që na ka mbështetur në të gjithë ditët e zhvillimit të Panairit të Tiranës dhe për ju që jeni të pranishëm sot.
Në këtë kongres u nderuam me pjesëmarrjen e shumë përfaqësueve të shteteve nga e gjithë Evropa dhe bota. Krahas diskutimeve të shumta që kanë të bejnë me administrimin e CEFA-së, forcimin dhe zhvillimin e mëtejshëm të anëtarëve të saj, nxitjes së bashkëpunimit të ndërsjelltë, specializimit të mëtejshëm të stafeve respektive, por edhe evidentimit të Shqipërisë për shkak të atmosferës festive të krijuar gjatë ditëve të Panairit të Tiranës e veçanërisht mbrëmjes së 28 nëntorit, theksi i takimit u vu mbi projektin më të ri nga Klik Ekspo Group për krijimin e një qendre panairesh në Tiranë.
Presidenti CEFA dhe Drejtor Menaxhues i Panairit të Vjenës dhe Salzburgut, Matthias Limbeck:
Për ne është kënaqësi që mbajmë ketë aktivitet, por edhe mbledhjen e bordit drejtues të CEFA-s (Aleancës së Panaireve të Evropës Qëndrore dhe Juglindore), për herë të parë në Tiranë. Më ka lënë vërtetë mbresa të jashtëzakonshme, pasi ishte një koncidencë e bukur që, ditën që erdhëm, pamë festimet e 28 nëntorit në Tiranë, krahas zhvillimit të Panairit të madh Ndërkombëtar të organizuar nga Klik Ekspo Group. E theksoj se, jemi të lumtur sot që ishim pjesë e festimeve të themelimit të shtetit shqiptar. Ishte dhe një nder i madh për ne si anëtar i CEFA-s që të merrnim pjesë në ceremoninë e festimeve të 28 nëntorit, të organizuara nga Presidenti dhe Kryeministri i Shqipërisë, më të cilët patëm nderin e madh që u takuam.
CEFA është Aleanca e Panaireve të Evropës Qëndrore dhe Juglindore që përmbledh drejtuesit dhe organizatorët e panaireve në Evropën Qëndrore dhe Juglindore. Momentalisht kemi 24 anëtarë dhe po të shohim të gjithë flamurët e renditur, sheh se anëtarët e CEFA-s përmbledhin 15 shtete të Evropës. Jemi shoqatë e konsoliduar, në rritje. Ka mjaft organizma në Evropë që duan të bëhen anëtarë të CEFA-s, sepse nuk jemi thjeshtë një shoqatë që organizojmë takime për t’i bërë qejfin anëtarëve, por jemi me të vërtetë një rrjet aktiv kompanish që organizojmë panaire në Evropën Qendore dhe Juglindore, një rrjet në rritje dhe që gjen zgjidhje të fushën e panaireve. Qëllimi kryesor i organizatorëve të panaireve është që të sjellin më afër blerësit, konsumatorin dhe shitësin. Panairet janë një mjet me të vërtetë efikas marketingu për të sjellë më afër blerësit dhe drejtuesit e shërbimeve. Shpresoj që panairet në Shqipëri do të kontribuojnë në një përqasje më të afërt mes konsumtatorit dhe furnizuesit.
Klik Ekspo Group ka pasur vërtetë rritje në fushën e panaireve. Vërtetë e admirojmë atë që ka arritur Klik Ekspo Group deri më sot. Mendojmë se, ka potenciale për rritje në të ardhmen. Gjithshtu, di që ka shumë kompani të mëdha ndërkombëtare që duan të futen në Shqipëri dhe të jenë në kontakt me tregun shqiptar. Jam i bindur që akoma ka vend për organizimin e panaireve të reja në të ardhmen.
Ajo që veçoj është se, ka ardhur momenti për të pasur një strukturë të duhur në Shqipëri për organizimin e panaireve. Ajo që dëgjova nga z. Muhametaj se, ka një projekt për një qendër të madhe panairesh multifunksionale më entuziasmon. Nga eksperienca jonë në Vjenë dhe Mynih, por edhe e anëtarësisë sonë mendoj se, kemi kapacitetet dhe eksperiencën e duhur për të ndihmuar Klik Ekspo Group për realizimin e këtij projekti të madh.
Sekretari i Përgjithshëm, Franz Reisbeck:
Së pari, dua të falenderoj Klik Ekspo Group për pritjen që na rezervoi. Klik Ekspo Group është anëtare e CEFA-s që nga viti 2009. Kemi mbresa nga festimet e djeshme, atmosferën poziteve të një popullsie të re, e duhura për industrinë e panaireve. Si Sekretar i përgjithshëm i CEFA-s jam përgjegjës për marrëdhëniet e brendshme të aktiviteteve të saj. Ndaj, do të flas për disa iniciativa të CEFA-s.
Përveç mbledhjeve të bordit drejtues, ne zhvillojmë edhe dy seminare të rëndësishme. I pari, është seminari i profesionistëve të rinj. Ky seminar do të zhvillohet në Çeki në Bërna më 2013. Do të grumbullojmë mbi 30 pjesmarrës nga anëtarët e CEFA-s. Tema e këtij aktiviteti do të jenë dhe temat e marketingut.
Këto seminare u japin mundësi profesionistëve të rinj që të mblidhen së bashku dhe të shkëmbejnë eksperiencat e tyre. Një format mjaft i rëndësishëm është takimi i ekspertëve të CEFA-s. Një takim u zhvillua disa ditë më parë në Budapest. Ky aktivitet i ishte dedikuar strategjisë së BE-së për zhvillimin e vendeve që përfshin lugina e Danubit.
Strategjia e Danubit përfshin rreth 14 vende. Qëllimi është ndërgjegjësimi i europarlamentarëve për rritjen dhe zhvillimin e industrisë së panaireve në këto vende. Ndërsa takimi i ardhshëm i ekspertëve të CEFA-s i dedikohet vendeve të gjelbërta. Ky takim që do të zhvillohet në Shkup më 2013. Do të ftohen anëtarët për të gjetur mënyra sa më efikase të prodhimit të energjisë, asaj të rinovueshme, etj. Më lejoni të të shtoj edhe mbi një aktivitet tjetër që zhvilluam në vitin 2012. Unë dhe kolegu im kemi asistuar në takimin në Sarajevë, pasi qendra atje ka qënë shumë e dëmtuar për shkak të rënies së çatisë.
Detyra jonë si drejtues të CEFA-s ishte që të krijonim kontaktet e duhura për gjetjen e fondeve nga BE për të ndihmuar ndërtimin e qendrës së panaireve në Sarajeve. E them këtë për të treguar fondin e solidaritetit tonë. Më vjen mirë që ju si media ishit sot prezent për të promovuar industrinë e panaireve në Shqipëri dhe jam vërtetë i emocionuar.
