Aplikimet – Lexoni këto këshilla, pastaj vendosni për Lotarinë Amerikane

    136

    Gazeta Telegraf/

    Para se te aplikoni  për Lotarinë Amerikane, duhet të shmangnin këto mashtrime, duke pasur në kokë këshillat më poshtë. 


    Ambasada amerikane në Tiranë sqaron:



    Në 4 Tetor Departamenti Amerikan
    i Shtetit ka hapur zyrtarisht aplikimet për Lotarinë Amerikane (Diversity Visa
    2018), i cili çdo vit vë në dispozicion deri në 55.000 viza emigruese për
    njerëzit nga vendet me shkallë të ulët emigrimi në SHBA.

    Për të gjithë ata që aplikojnë
    për lotarinë, Ambasada Amerikane ka publikuar disa këshilla sesi të mos bëhen
    pre e mashtrimeve të ndryshme. Për t’u regjistruar në programin “DV 2018” duket
    përdorur vetëm faqja zyrtare www.dvlottery.state.gov.

    Ky aplikim mbyllet në 7 Nëntor
    2016 në orën 18.00. Një proces i rastësishëm i përzgjedhjes do të përdoret për
    të zgjedhur kandidatët që mund të vazhdojnë procesin e aplikimit.

    Ndaj gjatë kësaj periudhe
    aplikuesit duhet të kenë parasysh disa gjëra:

    Së pari duhet të kenë kujdes nga
    mesazhe në emailin e tyre personal që tregojnë se jeni shpallur fitues dhe
    duhet të paguani një shumë parash, për të nisur me procedurat e mëtejshme.

    Shiko që faqja të ketë adresën
    “.gov”

    Vetëm informacionet për vizë që
    në fund të faqes së internetit kanë “.gov” është zyrtare e qeverisë së SHBA-së.
    Çdo informacion tjetër, që vjen nga një adresë që nuk përfundon me “.gov”,
    është e dyshuar. Nuk duhet të mashtoheni nga imazhet e flamurit të Shteteve të
    Bashkuara të Amerikës, Shtëpisë së Bardhë apo Statujës së Lirisë. Çdo gjë në
    internet që nuk përfundon me “.gov” është mashtrim.

    Asnjëherë mos dërgoni para për
    aplikimin për vizë

    Nuk ka asnjë tarifë për të hyrë
    në programin e “DV 2018”. Tarifat për procesin e aplikimit i paguhen Ambasadës
    Amerikane në momentin e intervistës kur ju shpalleni fitues nga aplikimi “DV
    2018”. Kjo pagesë bëhet në ambasadë dhe qeveria e SHBA-së kurrë nuk do t’ju
    kërkojë të dërgoni pagesa paraprakisht me çek apo transfertë bankare.

    Ka vetëm një vend për të mësuar
    statusin tuaj, online.

    Aplikantët e lotarisë duhet të
    kontrollojnë statusin e tyre në internet përmes Kontrollit të Statusit të DV
    Entry në http://www.dvlottery.state.gov.

    Qeveria e Shteteve të Bashkuara
    mund të dërgojë një email kujtesë, por nuk ju dërgon në postën tuaj elektronike
    nëse jeni shpallur fitues apo jo. E vetmja mënyrë për të kuptuar nëse jeni
    përzgjedhur në këtë program aplikimi për vizë është duke bërë monitorimin e
    faqes “status-check” në dvlottery.state.gov./