Fjalën dikur lidhnin në tur të druve
vezë të ziera i vinin në sqetull
i varnin në qafë zinxhir mendimit
uthull i jepnin dijes së etur
Shkulnin veshët e hapur të dëgjimit
sytë kureshtarë me hi verbonte mëria
duart e dhunës në fyt zërit i vinin
me racion merrte frymë njerëzia
Sot ka fjalë në vesh të thënë
kultura rrotullon gjuhën e tharë
plot zhurma mbysin ngulçimin e rënë
Liria mbyll me gishta pamjen e parë