Dega e ALUIZNI-t për Qarkun Lezhë njofton qytetarët që gjejnë emrin në listë se duhet të paraqiten pranë zyrave të ALUIZNI-t në Lezhë për të tërhequr faturat e parcelës ndërtimore dhe për të lidhur kontratat e fitimit të pronësisë së truallit. Siç është bërë e ditur, në bazë të Ligjit nr. 50, dt. 27.06.2014, të gjithë qytetarët do të përfitojnë një zbritje në masën 20% të vlerës së parcelës ndërtimore, në rast pagese të menjëhershme brenda 45 ditëve nga data e njoftimit. Mbas 45 ditësh, nga data e njoftimit, vlera e parcelës ndërtimore do të paguhet e plotë. Gjithashtu, qytetarët do të përfitojnë edhe një zbritje – 10% të vlerës së parcelës ndërtimore si garanci për pagesën në mënyrë të rregullt të energjisë elektrike. Nëse poseduesit e ndërtimit pa leje, nuk e shlyejnë plotësisht detyrimin financiar për parcelën ndërtimore, brenda 6 muajve, nga data e njoftimit, pasuria e paluajtshme, e juaja, e fituar në bazë të ligjit 9482, datë 03.04.2006, do të regjistrohet pranë ZVRPP-së, me barrë hipotekore, deri në shlyerjen e këtij detyrimi.
Lezhë, lista me 150 emrat e qytetarëve
