25 ditë aktivitete në 25-vjetorin e Ditës së Rinisë. Ministria e Mirëqenies Sociale dhe Rinisë, në bashkëpunim me Ministrinë e Kulturës dhe Bashkinë e Tiranës, ka hartuar një kalendar të ngjeshur aktivitetesh rinore, të cilat do të kulmojnë në datën 8 Dhjetor, Ditën Kombëtare të Rinisë. Aktivitetet do të nisin nga 14 nëntori dhe për 25 ditë me radhë, ato do të zbresin në çdo qytet të vendit, jo vetëm për të festuar, por edhe për të diskutuar dhe përballur me të gjitha problematikat me të cilat përballet rinia sot, 25 vjet pas lëvizjes studentore, që kulmoi pikërisht më datën 8 dhjetor.
Kalendari është prezantuar sot nga ministri, MSR-së, Blendi Klosi, në një aktivitet ku merrte pjesë edhe nënkryetari i Bashkisë së Tiranës, Arbian Mazniku, si dhe përfaqësues të Ministrisë së Kulturës, me të cilat do të bashkëpunohet në realizimin e këtij kalendari. “Po, do jemi në çdo qytet, te çdo i ri shqiptar dhe jo vetëm, për të ngritur së bashku siparin e frymës më shpërthyese, atë të rinisë. Jam krenar të them sot se ne e kemi dëgjuar zërin e shoqërisë civile, organizatave rinore dhe të rinjve, dhe i kemi përmbledhur në plot 25 ditë, të dedikuara vetëm atyre. Këto 25 ide nuk janë vetëm 25, por më shumë se 125, të cilat shkrihen me modestinë e të rinjve në aktivitete konkrete”, – tha ministri Klosi në fjalën e vet.
Ai shtoi se qëllimi i këtyre aktiviteteve është që të forcojë edhe më shumë rolin e të rinjve në vendimmarrje dhe ta bëjë zërin e tyre më të dëgjueshëm në politikat rinore dhe jo vetëm. “Ne jemi për një politikë që flet me gjuhën tuaj dhe u përgjigjet vlerave tuaja. Për këtë, kërkojmë pjesëmarrjen dhe përfshirjen tuaj. Duhet të jeni ju, krahu ynë i djathtë dhe në të njëjtën kohë opozita jonë direkte për të na ndjekur në çdo hap të Prezantimit dhe Zbatimit të Planit Kombëtar të Veprimit për Rininë, që nis rrugëtimin në qytetet e Shqipërisë”, – theksoi ministri Klosi.
Gjithashtu, Klosi bëri të ditur se në fokusin e këtyre aktiviteteve do të jenë të gjitha temat dhe çështjet që kanë të bëjnë me rininë dhe që mund të sjellin një rritje të rolit të saj në shoqëri, siç mund të sipërmarrja e të rinjve, arsimi profesional si një mundësi për të jetuar me një punë të denjë, mbështetja sociale apo edhe vullnetarizmi. “Jeni ju ata që keni kërkuar të përfshiheni në vendimmarrje dhe politikëbërje, dhe jemi ne ata që po ju ftojmë ta bëni këtë gjë. Në këto 25 ditë do vëmë sërish fokusin në arsimin profesional, në nxitjen e punësimit dhe vetëpunësimit nga sipërmarrësit e rinj. Pjesë e nismës sonë është sigurisht mbështetja sociale e të rinjve në nevojë nëpërmjet programeve solidare, toleranca, diversiteti dhe sigurisht, gjithëpërfshirja”, – u shpreh ministri Blendi Klosi.
Më tej ai shtoi se këto aktivitete nuk do kishin vlerën e merituar pa përfshirë bashkëpunimin e fortë rajonal në fushën e rinisë, e cila kulmon me ngritjen e strukturës rajonale për rininë, trajnime kundër gjuhës së urrejtjes, si dhe shkolla të përbashkëta verore dhe dimërore me të rinjtë e Ballkanit, për të shkëmbyer elementët që na përfaqësojnë. “Kam bindjen e plotë që e gjeni veten pjesëmarrës në çdo aktivitet që ne ndërtuam nga zëri juaj, nga rinia, për rininë. Kjo gjë bëhet vetëm e vetëm që kësaj force që ka ndryshuar vendin 25 vite më parë, t’i jepet rëndësia e merituar nëpërmjet të rinjve të vitit 2015, që janë katalizatori i lokomotivës sonë. Data 8 Dhjetor është një datë shumë e rëndësishme në historinë e vendit tonë, është një datë që transformoi dy epokat, është datë që ndryshoi përqasjen politike dhe jetën e mëtejshme të vendit tonë”, – tha Klosi.
Ndërsa nënkryetari i Bashkisë së Tiranës, Arbian Mazniku, në fjalën e tij përshëndetëse në këtë aktivitet shprehu angazhimin që Bashkia e kryeqytetit ka ndërmarrë për të qenë prezente në disa nga aktivitetet më të rëndësishme që do të zhvillohen në Tiranë, siç janë ato me rastin e Ditës së Çlirimit të vendit, apo Nata e Bardhë. Ai bëri të ditur gjithashtu se në kuadër të këtyre aktiviteteve do të ngrihet dhe një strukturë këshillimore e përhershme rinore në Bashkinë e Tiranës. “Bashkia e Tiranës duke iu bashkuar kësaj nisme ka planifikuar që të iniciojë atë që është bordi i rinisë si një trup permanente që do jetë një trup këshillimore për qytetin e Tiranës për të gjitha politikat rinore, për të gjitha aktivitetet rinore që do zhvillohen. Do jetë një trupë që do mblidhet në mënyrë periodike, e cila do marrë vendime se çfarë do bëhet me të rinjtë në qytet”, – tha Mazniku.
E gjithë kjo fushatë aktivitetesh do të finalizohet me certifikim e 900 praktikantëve të Programit Kombëtar të Praktikave të Punës, dhe me shpërndarjen e kontratave të punës për 1 vit në administratën publike të 200 praktikantëve më të mirë në punën e kryer.
Kalendari i aktiviteteve
|
14 Nëntor E Shtunë |
Prezantim i Planit Kombëtar të Veprimit për
Rininë Elbasan: Mbrojtja Sociale
Vizitë në qendër rezidenciale |
|
|
15 Nëntor E Diel |
Bisedë me “Sipërmarrësit e Rinj: Histori
Suksesi” dhe vizita në bizneset e tyre
|
|
|
16 Nëntor E Hene |
Dita Nderkombetare e Tolerances – Aktiviteti
“Tolerance dhe Diversitet”
Shfaqja e filmit “Skandal” për LGBT |
|
|
17 Nëntor E Marte |
Ekspozitë pikturash me pamje nga Tirana me
rastin e Çlirimit të Kryeqytetit
|
|
|
18 Nëntor E Merkure |
Promovimi i Librit Dixhital nga Shtëpia Botuese
Dituria
Takim me shoqërine civile për konsulta mbi Ligjin e Vullnetarizmit |
|
|
19 Nëntor E Enjte |
“Si te aplikosh per nje pune” Trajnim nga Sëiss
Contact
|
|
|
20 Nëntor E Premte |
Promovimi i Turzmit Social në Sarandë me të
rinjtë
Prezantim i Planit Kombëtar të Veprimit për Rininë Gjirokastër: Edukimi i të rinjve |
|
|
21 Nëntor E Shtune |
Inagurimi i Bienales së të rinjve të Akuarelit
nga e gjithë bota
|
|
|
22 Nëntor E Diel |
“Debati i
Guximshem”- Pyetje të guximshme drejtuar Ministrit të Mirëqenies
Sociale dhe Rinisë nga të rinjtë
“Endrra Ime” Vizitë tek Paninoteka dhe
Pasticeria të financuara nga ky projekt
“Endrra Ime” Ekspozitë e fëmijëve që nuk
degjojnë
|
|
|
23 Nëntor E Hene |
Takim me Gazetarët për hapësirën që i japin
Rinisë, emisionet rinore dhe debatet televizive
|
|
|
24 Nëntor E Marte |
Promovim i Librit “101 Ide Inovative Biznesi”
Diskutime me sipërmarrësit e rinj dhe të rinjtë
vullnetarë
|
|
|
25 Nëntor E Merkure |
Lancimi i fushatës kundër dhunës ndaj femrave “Endrra Ime” Promovimi i faqes Web për punët artizanale nga e gjithë Shqipëria |
|
|
26 Nëntor E Enjte |
Prezantim i Planit Kombëtar të Veprimit për
Rininë Shkodër: Nxitja e Punësimit të të rinjve përmes politikave efektive të
tregut të punës
“Endrra Ime” Inagurim I qendrës së trajnimit për fëmijët që nuk shikojnë në Lezhë |
|
|
27 Nëntor E Premte |
“Libri i Muajit” Diskutim me të rinjtë dhe
autorin e përzgjedhur
Aktiviteti përmbyllës i fushatës“HeForShe” nën
moton “Djemtë dhe Burrat, pjesë e zgjidhjes”
|
|
|
28 Nëntor E Shtune |
Festim i përvjetorit të Shkollës “Pavarësi” në
Vlorë
Inagurimi i Qendrës Rinore Vlorë
Prezantimi i Planit Kombëtar të Veprimit për
Rininë Vlorë: Nxitja dhe pjesëmarrja e
të rinjve në proceset vendim-marrëse demokratike
Takime me shoqerine civile për Ligjin e Vullnetarizmit “Endrra Ime” Inagurimi I Parkut në Vlorë |
|
|
29 Nëntor E Diel |
Konkursi: Kartolina “Unë e dua vëndin tim”
12 Kartolinat fituese do të jenë pjesë e
kalendarin 2016 te Ministrisë së Mirëqenies Sociale dhe Rinisë
“Nata e Bardhe” Feste me të rinjtë |
|
|
30 Nëntor E Hene |
Mbledhja e parë me te përzgjedhurit e Bordit
Këshëllimor Rinor të Ministrisë së Mirëqenies Sociale dhe Rinise
|
|
|
1 Dhjetor E Marte |
Takim sensibilizues me të rinjtë kundër HIV
AIDS
|
|
|
2 Dhjetor E Merkure |
Rinia Shqipëtare dhe Bashkëpunimi Rajonal – Kampi No Hate Speech me Serbinë – Ekspozita No Hate Speech me të rinjtë Kosovare – Shkolla Verore dhe Dimërore me Serbinë – Zyra Rajonale për Bashkëpunim Rinor |
|
|
3 Dhjetor E Enjte |
“Gara për Jetën” Finalja e basketbollit për të
rinjtë me aftësi të vecanta
|
|
|
4 Dhjetor E Premte |
Prezantim i Planit Kombëtar të Veprimit për
Rininë Durrës: Shëndeti, Sporti,
Mjedisi
|
|
|
5 Dhjetor E Shtune |
Lancimi i “Solidar me Ty” Shfaqje tek Instituti i Fëmijëve që nuk dëgjojnë
Cdo datë 5 do të jemi pranë institucioneve të
përkujdesit social
“Endrra Ime” Inagurimi i Qendrës Komunitare Vorë |
|
|
6 Dhjetor E Diel |
Inagurimi i Qendrës Rinore Korcë
Prezantimi i Planit Kombëtar të Veprimit për
Rinië Korce: Kultura dhe Vullnetarizmi
Takime me shoqërinë civile për Ligjin e
Vullnetarizmit
“Endrra Ime” Inagurimi I Ekspozites ne Pogradec |
|
|
7 Dhjetor E Hene |
“Të gatuajmë së bashku”
Të rinjtë e arsimit profesional dhe Ministri
Blendi Klosi gatuajnë për qytetarët e Tiranës
Takim i shoqërisë civile, organizatave rinore dhe mbeshtësve ndërkombëtarë për bashkëpunime të mundshme, me CRCA në Qendrën Rinore të Tiranës |
|
|
8 Dhjetor E Marte |
Çertifikimi i 900 Praktikantëve dhe shpërndarja
e kontratave të punës për 200 prej tyre
Festë me të rinjtë e Praktikës ne rrugën kryesore
te Ish Bllokut
|
|
