O Sovran, o “kokë palarë”!
Priti, priti gojë palarët
Po të qepin një këmishë
Veshur kurrë nga të Parët
*** *** ***
Po të vinë të “Ringjallurit”
Në duvak edhe “Ndryshimi”
Njëra faqe Kompromisi
Tjetra lyer në pudër Krimi…
*** *** ***
Për Hamzanë e Lajthitur
Dy Qamilër u bënë bashkë
Po nuk mbollën manushaqe
Pleh do rrisin për mbi kashtë…
*** *** ***
O Sovran, o “kokë palarë”
Kompromisin për Ty pollën
Në një natë të ëmbël ngjale
Dy Qamilët vet u molën…
*** *** ***
Por tek thundra e “Ndryshimit”
Blloku shkroi, tre vjet punoi
Ndaj “Ringjallja”e Kompromisit
Më duket si miell përroi…
*** *** **
Kompromisi Virgjëruar
Një “Ringjallje” gjithë në gri
Dy Qamilët kanë hetuar
Ky “Ndryshimi”, krejt i zi….
*** *** ***
Në lajthitjen e Hamzait
Ky “Ndryshimi” gjer në llucë
Kërcënon, rrudh fytyrën
Si të ketë pjell një këpucë…
*** *** ***
O, Sovran, o “kokë palarë”
Me pëshpëshet afër veshit
U poq ngjala e “Ringjalljes”
U tor dhe “Ndryshimi” i leshit…
*** *** ***
U bënë lista kandidatësh
Shah i djajve nëpër zyra
Për “Ringjallje” e “Ndryshim”
Në thelb nuk ndryshoi ngjyra…
*** *** ****
Po ata në brazdë të vjetër
Me pushtet edhe me Krim
O, Sovran, o “kokë palarë”
Kur do shfaqesh në Agim?!
*** **** ****
v i j o n …