Si s’u gjend këtu një burrë,
Që kur hipën në pushtet,
Të mendojë njëherë për popull,
Dhe jo për bythën e vet!…
Pasuritë kur deklarojnë,
Sa të pasur janë, o zot,
Dhe shumica mezi rrojnë,
Rrojnë po rrojnë më kot!…
Kaq i pasur menjëherë,
Si u bëre o zuzar,
Pasuritë kaq shpejt i shton,
Vetëm të punosh kusar!…
Pyet një fakir i shkretë,
Ç’punë bëjnë në qeveri?!
Punojnë në zyra shteti,
Por merren me kusari!
Deklarojnë pasuritë,
Stërnipat e Skënderbegut,
Gjer tani ne kemi parë,
Veç majën e ajsbergut!…
Sokolat zbritën nga bjeshkët,
Ca të Salës, ca të mbretit,
Dhe morën për kompensim,
Tokat në bregun e detit!…
S’mbeten prapa skraparllinjtë,
Malësorët e Ilirit,
Hanë me lugë të florinjtë,
Me oreksin e vampirit!…
Ka të tjera e të tjera,
Ç’të të them më shumë o lumë,
Ai që vodhi më tepër,
Këtu nderohet më shumë!…
Si duron i ziu popull,
Ndënë thundrën e harbutëve,
Vendi është i shqiptarëve,
Por është koha e hajdutëve!…