Fatos Nano: Për një vit do jem ose Kryeministër ose Kryetar Partie

1535
Sigal

Intervista e Pelo Pelivanit me Fatos Nanon

Pelo Pelivani:

Dhe pse tani s’ke

Para dhe parti

Si tapa mbi ujë

Dole përsëri!..

Fatos Nano:

Pelo Pelivani

Që t’u mbylltë vëra

Une jam Fatos Nano

Dhe i kam të tëra!..

Domosdo që kam

Para dhe Parti

Kam dhe Kaso Kosën

Po të kam dhe ty!..

E kam thënë dikur

O Pelo mavria

Se mua më vjen

Prapa historia!..

Pelo Pelivani

Pa tjetër më ke

Fatos historia

Sepse të dy jemi

Ne nga Lunxhëria!..

Gjithë zbatharakëve

U veshe këpucë

Ndaj dot s’e kuptoj

Pse të lanë në llucë?!

Fatos Nano

Të dija të zgjuar

Ke tru sa një mackë

Si nuk e kupton

Që mbetën në grackë!..

Ata që s’më duan

Tani mirë i di

Ndaj me shpatën time

S’do kursej njeri!..

Ata liliputë

Ma dine zotësinë

S’e kam hiç problem

Që t’u marr partinë!..

I përpij të gjallë

Me sy e me vetulla

Se në kohën time

Hante qeni petulla!

Në kohë të këtyre

Që nuk më dhanë votën

Po ra nga hambari

Miu thyen kokën!..

Populli thotë “Eja”

Nuk thotë “Nano ik”

Do vij si rrufeja

Si krisht me kamxhik!..

Pelo Pelivani

Çdo bësh këtë vjeshtë

Jam kurioz ta di

Një lavazh të thjeshtë

A’ katharsis të ri ?!..

 

Fatos Nano

Do t’i bëj o Pelo,

Gjithë Shqipërisë

Një lavazh të thellë

Dhe një Katarsis!..

Mua përsëri

Më kërkon epoka

Këtu peshku i madh

Është qelbur nga koka!..

Prapë me fatos Nanon

Unë kam lidhur besë

Që kokën e qelbur

Çdo peshku t’ia pres!..

Pelo je i mënçur

Besoj e kupton

Kjo puna e “prerjes”

Është figuracion!..

Po unë do kthehem

Si dallga në dete

Të gjithë do ti bëj

Të flasin me vete!..

Pelo Pelivani

Medemek do bëhesh

Si një biçim shpate

Po dua ta di

Kush është karta jote?!..

Fatos Nano

Kush është karta ime?!..

E kupton dhe dhia

Nuk do dhe shumë mend

Është varfëria!..

Është varfëria

Që gojën ka hapur

Dhe si oktapodi

Gjithë vendin ka kapur!..

Kjo kartë më bën

Të fortë si njëhekur

Aq më shumë që kemi

Opozitë të vdekur!..

Rama s’ka fituar

As dhe një betejë

Ndaj rikthimi im

Besoj që do vlejë!..

Tani mir u pafshim

Paqe dhe shëndet

Si tani një vit

Do jem në pushtet!..

Pelo Pelivani

Kjo mund të ndodhë

Se s’je njeri koti

Mirë u pafshim Nano!..

Të ndihmoftë Zoti