Në një sondazh të fundit, bërë nga institucionet ndërkombëtare të shëndetësisë bie në sy se në Shqipëri ka një një ndryshim të statistikave të vizitave mjekësore ,bazuar kjo në të dhënat e regjistrave mjekësorë dhe kartelave shëndetësore në spitale, poliklinika dhe qendrat e vizitave të nënës dhe fëmijës. Sipas këtyre statistikave janë shtuar së tepërmi vizitat për sëmundjet e kardiologjisë, ato të endokrinologjisë, pneumologjisë, aksidentet dhe kirurgjisë , por çuditërisht kanë rënë ato të obstetër-gjinekologjisë dhe shëndetit të nënës dhe fëmijës. Ky fakt është shumë domethënës, pasi tregon se rënia e vizitave, konsultave në maternitetet e vendit dhe qendrat e nënës dhe fëmijës tregojnë rënien e madhe të lindjeve dhe kjo ka një arsye, e cila është sa tronditëse aq dhe e rëndë për fatet e vendit në të ardhmen. Këto statistika janë fakti më tronditës i eksodit të të rinjve dhe personave në moshë që krijojnë familjet. Ndaj deri sa të rinjtë ikin jashtë shtetit dhe personat në moshë ose që kanë 1 fëmijë, largohen nga vendi dhe kjo ka bërë që të bien lindjet, por të bjerë edhe kërkesa për mami dhe mjekë në maternitete. Ndoshta kjo tregon edhe parashikimet e OKB-së që Shqipëria në vitin 2040 do të jetë vendi me moshën më të plakur në Europë, ndërkohë që në vitin 1900 ishim vendi me moshën më të re në botë.
