Monedha amerikane ka arritur nivelin më të lartë të saj që prej janarit të vitit të kaluar. Sipas kursit zyrtar të Bankës së Shqipërisë, një dollar u këmbye dje me 111.4 lekë, me një rritje prej 0.31 lekë në krahasim me dy ditë më parë. Hera e fundit që dollari amerikan, në tregun e brendshëm, arrinte këto shifra ishte janari i vitit 2018, kur monedha e gjelbër këmbehej me 111.84 lekë.
Më pas dollari filloi rënien, duke zbritur deri në 104.3 lekë në prill të 2018-n, si reflektim i nënçmimit të euros dhe monedhave të tjera të shportës ndaj lekut. Më pas dollari rikuperoi, duke u luhatur mes 106 – 110 lekëve për të arritur në ditën e djeshme, ku kërceu mbi 11 lekë.
