KLSH / Ja konkluzionet e kontrollit në Ministrinë e Mjedisit dhe në Aviacionin Civil. Abuzimet dhe masat ndëshkuese
KLSH menjëherë pas verifikimit të situatës në Ministrinë e Mjedisit ka lënë detyrat për zbatim, pasi situata aktuale është tejet skandaloze. Sipas raportit përfundimtar kërkohet që të hartohet një plan veprimi midis Ministrisë së Mjedisit, DSHP Tiranë dhe ARM, për listimin e saktë dhe elektronikisht me qëllim ushtrimin e kontrolleve në të gjitha subjektet që ushtrojnë aktivitetin e tyre në fondin pyjor e kullosor, për dokumentacionin ligjor që ato duhet të kenë kriteret ligjore e teknike që duhet të plotësojnë si: karriera ndërtimi (gurore e lavatriçe), antenat e kompanive celulare, lokale, etj. Gjithashtu, Ministria e Mjedisit nëpërmjet Ministrisë së Ekonomisë, të kërkojnë, duke ndjekur të gjitha rrugët ligjore, për detyrimin e subjektit “Hydro Energji” sh.p.k. për të realizuar mbjelljen me fidanë pyjore të sipërfaqes prej 10 ha, që e përcakton VKM nr. 516, datë 06.07.2011 “Për heqjen nga fondi pyjor e kullosor të sipërfaqeve nga ngastrat e ekonomisë pyjore Farkë, Kërrabë, Gurrë, Tiranë, që do të përdoret nga shoqëria “Hydro Energji” sh.p.k. për ndërtimin e “HEC-ve Me urdhër 1 e 2”, si dhe të nxjerrë përgjegjësitë e moszbatimit të këtij detyrimi.- Ministria e Mjedisit, në bashkëpunim me Inspektoratin Ndërtimor e Urbanistik Kombëtar, të marrë masa dhe të ndjekë rrugët ligjore për kthim në gjendjen e mëparshme të sipërfaqeve të zaptuara e të zëna me ndërtime pa leje si dhe të marrë masa për mbylljen e aktiviteteve shfrytëzim gurore në territorin e Parkut Kombëtar të Malit të Dajtit.
Aviacioni Civilë: Vetëm nga lejet e fluturimit turistik Charter, shteti humbet çdo vit rreth 350 milionw lekë
Kryetarit i KLSH-së, Bujar Leskaj me vendimin nr. 32 datë 31.03.2014 ka miratuar Raportin Përfundimtar të Auditimit të ushtruar në Autoritetin e Aviacionit Civil, Tiranë, me objekt “Mbi zbatimin e ligjshmërisë dhe rregullshmërisë së veprimtarisë ekonomiko-financiare” për
periudhën 01.03.2012 deri më 31.12.2013, dhe masat për përmirësimin e gjendjes. Bazuar në nenet 9 dhe 16 të ligjit nr. 8270, datë 23/12/1997 “Për kontrollin e Lartë të Shtetit”, ndryshuar me ligjin nr. 8599, datë 1/6/2000, me shkresën nr. 1173/9 datë 31.03.2014, dërguar Z. Edmond Haxhinasto, Ministër i Transportit dhe Infrastrukturës, shkresën nr. 1173/7 datë 31.03.2014, dërguar Drejtorit Ekzekutiv i AAC, Kontrolli i Lartë i Shtetit i ka rekomanduar dhe kërkuar zbatimin e masave të mëposhtme:
– Autoriteti i Aviacionit Civil, Ministria e Transportit dhe Infrastrukturës dhe Ministria e Financave, të marrin masa për të ndryshuar udhëzimin e përbashkët nr.5, datë 17.04.2007 “Për përdorimin e fondeve të investimeve buxhetore për konservimin e Aeroportit të Kukësit”, për
arsye se në udhëzim është përcaktuar se shpenzimet për aeroportin e Kukësit përballohen nga
buxheti i shtetit, ndërkohë që duhet të përballohet nga AAC dhe cilat nga Buxheti i Shtetit.
– Drejtori Ekzekutiv, Këshilli Drejtues të marrin masa për të propozuar dhe miratuar, riaplikimin e tarifës për leje fluturimi turistik Charter, tarifë e cila është hequr pa dhënë asnjë sqarim apo argumentim, në kundërshtim me nenin 9, pika 2 e ligjit nr. 10040, datë 22.12.2008 “Kodi Ajror në RSH”, dhe nenin 17 të ligjit nr. 10233, datë 11.2.2010 i ndryshuar dhe si pasojë
është shkaktuar një efekt negativ në shumën 239,790 Euro.
– Të kërkohet në rrugë ligjore, duke ndjekur të gjitha procedurat e nevojshme administrative dhe
shkallët e gjykimit, arkëtimi i shumës gjithsej 8,152,500 lekë, nga operatori “ ( i papublikuar nga KLSH ) , i cili e ka përfituar këtë shumë padrejtësisht, në kundërshtim me nenin 15, germa “a” të ligjit nr. 10040, datë 22.12.2008 “Kodit Ajror në RSH”, me ligjin nr. 10296, datë 8.7.2010 “Për menaxhimin financiar dhe kontrollin” dhe me rregulloren e brendshme të AAC.
Ja masat disiplinore :
Mbështetur në Nenin 35, pika 1 germa “e”, të rregullores së brendshme të miratuar me vendim
të Këshillit Drejtues nr. 29, datë 23.04.2013 kërkohet:
“Largim nga puna në Autoritet” : Për përgjegjësen e sektorit të planifikimit financiar, statistikave, tarifave dhe buxhetit.
Paralajmërim me shkrim për largim nga puna me afat shlyerje 1 (një) vit
Drejtorin e Drejtorisë së financës dhe Shërbimeve , Përgjegjësen e Sektorit në Drejtorinë e Standardizimit Teknik ,Inspektorin e Drejtorinë së Standardizimit Teknik ,Inspektorin e Kontrollit të Cilësisë dhe Menaxhimit të Cilësisë, Standardizimit Teknik atë të Financës dhe Prokurimeve