Autoriteti Kombëtar i Ushqimit bllokoi aktivitetin e një lokali në zonën e Dajiti ku konstatua se prodhohej dhe tregtohej akullore në mungesë të plotë të kushteve higjeno-sanitare dhe teknike-teknologjike. Ky produkt tregtohej pa etiketë dhe me makinë private, pra jo në makinë frigoriferike. Për shkeljet e konstatuara ndaj subjektit, AKU mori këto masa administrative:
- Gjobë me vlerë 500,000 lekë për mungesë të kushteve higjieno-sanitare,
- Gjobë me vlerë 200,000 lekë për mungesë të sistemit të gjurmueshmërisë,
- Gjobë me vlerë 100,000 lekë për mungesë të sistemit të vetëkontrollit,
- Gjobë me vlerë 100,000 lekë për etiketim në kundërshtim me ligjin,
- U vendos bllokimi i aktiviteti për ushtrim veprimtarie në kundërshtim me ligjin.
Ndërkohë, Autoriteti Kombëtar i Ushqimit zhvilloi kontrolle dhe në qytetin e Durrësit, ku një një subjekt bar-kafe në zonën e plazhit u konstatuan disa lloje produktesh të cilat kishin mungesë etiketë në gjuhën shqipe si (birra, pije freskuese, majonezë, kechup, kapuçino bustinë, ujë dhe qumësht). Gjithashtu, subjekti ushtronte aktivitetin si fast-food në kundërshtim me ligjin (ndërkohë që rezulton i regjistruar si bar-kafe) dhe nuk dispononte sistem gjurmueshmërie për produktet. Për kundravajtjet e konstatuara, AKU mori masat administrative ndaj subjektit:
- Gjobë me vlerë 50,000 lekë për etiketim produkti në kundërshtim me parashikimet ligjore dhe rregullatore,
- Gjobë me vlerë 100,000 lekë për mungesë të sistemit të gjurmueshmërisë,
- Bllokim i ushtrimit të paligjshëm të aktivitetit “fast-food” duke qenë se subjekti ishte i regjistruar vetëm si bar-kafe.
