TIRANE – Tatimi mbi vlerën e shtuar për turizmin që është aktualisht 20% do të pësojë ulje. Kjo është lajmëruar nga ministri I zhvillimit ekonomik, tregtisë dhe turizmit Arben Ahmetaj në komisionin e veprimtarisë prodhuese. Për dy javë kjo masë dhe disa të tjera do të jenë gati të kalojnë në qeveri si pjesë e një pakete të veçantë për të mbështetur turizmin.
“Eshtë shumë e vërtetë që të gjithë vendet që ne konkurojmë dhe që kane industri turizmi të konsoliduar e kanë jo më shumë se 10%. TVSH. Madje madje ka një direktim referuese për turizmin që TVSH për turizmin nuk mund të jetë në BE më shumë se 15% sepse fillon edhe e kthen efektin në të kundërtën e vet,” – tha Ahmetaj.
Ligji I ri për turizmin që u prezantua nga ministri Ahmetaj parashikon dhënien me qira të tokave shtetërore për 99 vjet me 1 euro. Por për deputetin demokrat Helidon Bushati qeveria po jep prona publike pa konkurrim. Kjo është bërë shkak edhe për debate mes Bushatit dhe ministrit i cili i kërkoi deputetit që të mos keqinformonte publikun.
Ahmetaj ka lajmëruar po ashtu se brenda dy muajve do të hiqet ekskluziviteti i fluturimeve që ka Aeroporti i Rinasit , duke i hapur kështu rrugë ngritjes se tre aeroporteve të tjera.
“Jemi në negociatë të avancuar për të hequr ekskluzivitetin dhe për ti dhënë mundësi Shqipërisë të ketë 3 aeroporte të tjera, 2 në jug 1 në veri,” – u shpreh ministri.
Duke qenë se jemi në prag të sezonit turistik dhe kur pritet që numri i turistëve të jetë 25% më i lartë, Ahmetaj ka lajmëruar se qeveria ka vendosur të pastrojë bregdetin përmes Agjencisë së bregdetit, AKT dhe me ndihmën e mjeteve të ushtrisë.
“Eshtë bërë bregdeti zhul. Kemi marrë një iniciativë që e kalojmë në qeveri që ti japim mundësi agjencisë së bregdetit që të marri punonjës për 4 muaj, të pastrojë bregdetin. Në atë vendim kemi parashikuar që të përdorim dhe mjetet e ushtrisë jo ushtrinë vetë për të hequr inertet,” – u shpreh ministri.
Një tjetër e dhënë e raportuar nga ministri është se bregdeti shqiptar rezulton nëe hartat navale të agjencive të sigurimeve si bregdet me mina e për këtë jahtet nuk ndalojnë në Shqipëri.
“Kemi marrë një iniciativë tani për ti sqaruar në mënyrë që hartat navale mos dalin sërish me bomba detare dhe shoqëritë e sigurimeve të keni mundësi të ofrojnë sigurime për jahtet dhe për kroçerat,” – tha Ahmetaj.
I pyetur nga deputete se pse ky lig i le kompetenca më shumë ministrisë se pushtetit vendor, Ahmetaj tha se kjo vjen për shkak se deri me tani pushteti vendor ka dështuar me projektet duke mos bërë asgjë për turizmin.