Skënder Luarasi, si historian e biograf i Isa Boletinit e I. Qemalit analizon marrëdhëniet dhe akuzat e Hasan Prishtinës ndaj tyre
Përgatiti: Petro Luarasi
Në librin me kujtime të studiuesit Gani Demiri kam hasur opinionin se Skënder Luarasi “e urrente” Hasan Prishtinën, pa ndonjë sqarim. Këtë përcaktim e përsërit të zbutur A.Gjakova kinse S. Luarasi vetëm “nuk e donte”. Për këtë keqkuptim kam diskutuar dhe e kam sqaruar zotin Gani Demiri nja tre vjet të shkuara, në një kafene të Pallatit të Kulturës në Tiranë, në prezencë të studiuesit Sherif Delvina, kushëri i Esad Dishnicës. Tashmë argumentet i shpall publikisht për t’ia provuar edhe A.Gjakovës a ndonjë tjetri se në fushën shkencore të historisë, edhe në lidhje me marrëdhëniet e Hasan Prishtinës me Isa Boletinin, Skënder Luarasi mbetet parimor e objektiv. Për hir të së vërtetës, përgjatë një shekulli qarqe të caktuara brenda e jashtë Shqipërisë, tërthorazi apo haptazi, kanë ndërsyer armiqësinë mes krahinave, fiseve dhe përkrahësve të Hasan Prishtinës e të Isa Boletinit. Si shtysë e prova akuze paraqiten rëndom opinione njerëzish e komente mbi kujtimet e H. Prishtinës, ku akuzohet Isa Boletini, të cilat Skënder Luarasi dhe të tjerë i kritikonin për mungesë objektiviteti. Ja që ka disa të cilët analizat historike i cilësojnë “armiqësi” e “keqdashje”. Skënder Luarasit si historian e biograf i Isa Boletinit e I.Qemalit analizon marrëdhëniet dhe akuzat e Hasan Prishtinës ndaj tyre dhe nxjerr konkluzionet përkatëse.
…
për më tepër lexoni Gazetën Telegraf
