Zjarrfikësit në shtetin perëndimor amerikan të Kalifornisë po përpiqen të mbajnë nën kontroll katër vatra zjarri në Los Anxhelos dhe në kontenë Ventura.
Sot herët në mëngjes, zjarret u kthyen në rrezik të madh për automjetet që udhëtonin në zonën e Los Anxhelos-it.
Zyrtarë të departamentit të zjarrfikësve në Los Anxhelos thanë se po përpiqen të parandalojnë përhapjen e mëtejshme të zjarrit drejt perëndimit dhe lindjes dhe se deri tani kanë qenë të suksesshëm.
Si pasojë e zjarreve të fuqishme janë djegur deri tani më shumë se 32 mijë hektarë dhe kërcënohen nga flakët më shumë se 12 mijë ndërtesa.
Zjarret e ndihmuara prej erës së forte dhe të thatë kanë shkatërruar lagje të tëra, duke lënë pa shtëpi shumë banorë.
Autoritetet kanë urdhëruar evakuimin e rreth 200 mijë njerëzve. Deri tani, nuk raportohet për të vdekur, përveçse lëndime.
Zjarrëfikësit presin që beteja me zjarret të vazhdojë deri në fund të javës.