Vazhdojnë protestat anti-qeveritare në Jordani

129

Jordanezët vazhdojnë të protestojnë kundër një ligji që parashikon tatimin e të ardhurave. Ata thonë se do të vazhdojnë presionin ndaj qeverisë deri në kryerjen e reformave në vend.

Protestat e sotme në Aman vijnë pasi organizatorët bënë thirrje për një grevë njëditore.

Ashtu si në ditët e fundit, protestuesit dhe forcat e sigurisë u përplasën në rrugë.

Protestuesit kërkojnë që qeveria të ndalë rritjen e çmimeve dhe rritjen e planifikuar të taksave që sipas kritikëve më së shumti do të rëndojnë mbi të varfërit dhe klasën e mesme.

Mbreti Abdullah iu përgjigj protestave duke emëruar dje një kryeministër të ri.

Institucionet financiare ndërkombëtare kanë nxitur kryerjen e reformave ekonomike për të ndihmuar në uljen e borxhit publik të Jordanisë, rezultat i një ekonomie që po zhvillohet ngadalë për shkak të trazirave rajonale.