Arabia Saudite ka ekzekutuar 37 persona për shkelje terroriste të martën, tha ministri i Brendshëm i vendit. Rasti shënon një nga ekzekutimet masive më të mëdha vitet e fundit.
Human Rights Watch e përshkroi dënimin si “groteske” dhe tha se lajmet përfaqësonin një “ditë që kemi pasur frikë”.
Agjencia shtetërore e lajmeve tha se shtetasit sauditë ishin fajtorë për “adoptimin e ideologjive terroriste ekstremiste dhe formimin e qelizave terroriste për të korruptuar dhe prishur sigurinë si dhe përhapjen e kaosit dhe provokimin e grindjeve sektare”.
Individët u gjetën fajtorë për sulmimin e instalimeve të sigurisë me eksplozivë dhe vrasjen e disa oficerëve të sigurisë, tha Ministria e Brendshme. Ajo shtoi se ekzekutimet u kryen me prerje kohe dhe se autoritetet mbështetën dy prej trupave në një shtyllë si një paralajmërim për të tjerët.
Vrasjet u dënuan shpejt nga Human Rights Watch, ku thuhej se shumica e të dënuarve ishin anëtarë të pakicës shiite të persekutuar të vendit.
“Ekzekutimi masiv i sotëm i qytetarëve kryesisht Shia është një ditë që kemi pasur frikë për disa vite. Dënimet janë veçanërisht groteske kur ato rezultojnë nga një sistem difektoz i drejtësisë që injoron akuzat për tortura”, tha Adam Coogle, hulumtues për Lindjen e Mesme në HRW.