Turqia ka arrestuar tre shtetas rusë me dyshimin se kanë lidhje me grupin militant Shteti Islamik.
Të arrestuarit dyshohen se ishin në kontakt me militantët e IS-it në zonat e konfliktit dhe i kanë furnizuar me pajisje logjistike.
Konsullata ruse në Antalia ka konfirmuar lajmin, ndërsa ka thënë se arsyet për arrestimin e tyre pritet të sqarohen.
Arrestimi vjen një ditë pas një sulmi në Stamboll ku mbetën të vrarë 11 persona, 8 prej të cilëve janë turistë gjermanë.
Ministria e Jashtme ruse ka njoftuar në muajin nëntor se më shumë se 2 mijë e 700 rusë kanë shkuar në Siri dhe janë bashkuar me Shtetin Islamik. 160 prej tyre janë vrarë, 73 të tjerë janë kthyer dhe 36 janë arrestuar.
