Trupat e personave të gjetur janë dërguar në spitalin shtetëror të Ajvaxhëk-ut, kështu numri i të mbyturve në këtë tragjedi arriti në 39, mes tyre dy fëmijë. Burimet thonë se operacioni i kërkim-shpëtimit ende është duke vazhduar.
Më para roja bregdetare turke kishte njoftuar mbytjen e 33 personave dhe se në operacionet e kërkim-shpëtimit kishte arritur të shpëtojë 75 klandestinë. Klandestinët ishin duke u përpjekur për të kaluar detin nga Turqia drejt ishujve grek, ndërkohë roja bregdetare turke ka marrë një thirrje për ndihmë rreth orës 04:50 të mëngjesit të sotëm ku menjëherë më pas ka nisur edhe operacionin e kërkim-shpëtimit.
Gjatë ditës së sotme Xhandarmëria turke njoftoi arrestimin e një personi i cili dyshohet se po organizonte trafikun e paligjshëm të qenieve njerëzore, duke i mundësuar kështu kalimin klandestinëve nga Turqia drejt Greqisë.
