Thirrja e fundit për të ndalur katastrofën klimatike

506
Sigal

“Është thirrja e fundit,”-thonë shkencëtarët, ndërsa paralajmërojnë për rreziqet e rritjes së temperaturave globale.

Raporti i tyre dramatik për mbajtjen e kësaj rritjeje nën 1.5 gradë celcius, thotë se bota tani është plotësisht jashtë kësaj ‘rruge’, duke shkruar drejt 3 gradë celcius.

Do të jetë shumë e shtrenjtë, por dritarja e mundësive mbetet e hapur.

Pas tre vitesh studime dhe një jave bisedimesh midis shkencëtarëve dhe zyrtarëve qeveritarë në një takim në Korenë e Jugut, Paneli Ndërqeveritar për Ndryshimet Klimatike (IPCC) ka lëshuar një raport të veçantë mbi ndikimin e ngrohjes globale.

Megjithë kompromiset e pashmangshme, ka disa mesazhe kyçe që vijnë me zë të lartë dhe të qartë.

Shoqëria do të duhet të bëjë ndryshime ‘të pashembullta’, duke përfshirë mbylljen e qindra centraleve me qymyr dhe kalimin me shpejtësi në përdorimin e energjisë së rinovueshme.

“E para është se kufizimi i ngrohjes në 1.5 gradë celcius sjell më shumë përfitime sesa kufizimi i saj në 2 gradë. Me të vërtetë pakëson ndikimet e ndryshimeve klimatike në mënyra shumë të rëndësishme,”-tha profesori Jim Skea, i cili bashkë-kryetari i IPCC.

“E dyta ka të bëjë me ndryshimet që kërkohen nëse duam të kufizojmë ngrohjen në 1.5 gradë, si ndryshime në sistemin e energjisë, ndryshimet në mënyrën se si e menaxhojmë tokën, ndryshon mënyrën se si lëvizim me transport.”

Raporti paralajmëroi se bota ka vetëm 12 vjet kohë për të ndalur ngrohjen globale para se planeti të zhytet në nxehtësi të madhe, thatësirë, përmbytje dhe varfëri.

Parandalimi i një shkalle të vetme të nxehtësisë mund të bëjë një ndryshim jetë a vdekje në dekadat e ardhshme, zbuluan shkencëtarët.

Kufizimi i ngrohjes globale në 1.5 gradë do t’i kushtojë botës 2.4 trilion dollarë çdo vit për dy dekadat e ardhshme, paralajmëron raporti i OKB-së.