Të paktën 60 persona raportohen të vdekur dhe afro 30 të tjerë të plagosur, për shkak të rrëzimit të një vinçi nga stuhitë në Xhaminë e Madhe të qytetit të Mekës, këtë të premte. Lajmi është bërë i ditur nga televizioni shtetëror saudit “Al Arabiya”. Autoriteti saudit i Mbrojtjes Civile konfirmoi incidentin përmes rrjetit social të Twitterit, por nuk dha asnjë detaj mbi numrin e viktimave në momentet e para. Pelegrinazhi i përvitshëm i Haxhit, për myslimanët, pritet të mbahet më vonë gjatë këtij muaji, por autoritetet saudite janë përgatitur qysh tani për të përmbushur të gjitha kushtet e pritjes së miliona myslimanëve, të cilët do të mblidhen në vendin e shenjtë të Mekës. Vitin e kaluar, mbretëria arabe reduktoi numrin e njerëzve të lejuar për të performuar në ritin e Haxhit, kjo për shkak sigurie sepse po punohej për të zmadhuar Xhaminë e Madhe.