Katër burra, mes tyre dhe një shqiptar, janë dënuar nga Gjykata në Trikalatë Greqisë për përdhunimin në grup dhe në mënyrë të përsëritur nga një vajze minorene.
Rasti u zbulua në shtator të vitit të shkuar. Katër burra, duke përfshirë dhe nunin e vajzës 14 vjeçe, kanë mbajtur të burgosur vajzën në një apartament në Larisa dhe e kanë përdhunuar në mënyrë të përsëritur.
Sipas raportimeve të medieve greke, seanca gjyqësore ishte një maratonë që zgjati dy ditë dhe vendimi për dënimin e autorëve u dha para mesnatës së të martës.
Dënimet
Katër personat që përdhunuan vajzën adoleshente u dënuan me burg, ndërsa dy prej tyre edhe me gjobë. Një 57-vjeçar me iniciale I.G. u dënuam e 24 vite burgim dhe 50.000 euro gjobë. I dyti, një 57-vjeçar me iniciale C.P. u dënua po me 24 vite burgim dhe 50.000 euro gjobë. I pandehuri i tretë, një 56-vjeçar me iniciale A.T. u dënua me 14 vite burgim dhe shqiptari, me iniciale A.K. u dënua me 7 vite burg.
