Shqiptari i vuri flakën azilit, 120 mijë euro dëme

119

Dy shqiptarë, të cilët i vunë flakën qendrës së azilit në Gjermani, kanë dalë përpara gjyqit. Interesi i mediave në Gjermani ka qenë i madh, për shkak se dy të rinjtë e transmetuan në internet videon e zjarrit.

Njëri prej tyre dëgjohet duke thënë: Ku shkojnë shqiptarët, do ketë flakë.

Përpara gjyqit kanë dalë Gelaj B., 24 vjeç dhe Kledi D., 26 vjeç. Ata akuzohen për zjarrvënie të rëndë dhe rrezikojnë shumë. Dëmet e shkaktuara shkojnë në 120 mijë euro, kurse policia thotë se ishte fat që nuk pati viktima në qendrën e mbushur me azilantë.

Pavarësisht se të dy dolën në gjyq, personi që ideoi dhe i vuri zjarrin azilit është më i riu prej tyre. Fillimisht në gjyq ai deklaroi se ishte zemëruar me shërbimet e sigurisë në azil, që nuk e kishin trajtuar mirë.

Më pas u pendua dhe tha: U tregova budalla, isha i zemëruar.

Pasi kërkoi falje, ai tha se nuk kishte qëllim të vinte njerëzit në rrezik.

Shqiptari mbërriti në Gjermani në vitin 2018 me 400 euro në xhep. Pa ndonjë zanat dhe pa ndonjë aftësi të veçantë, ai aplikoi për azil, i cili iu refuzua. Avokati i tij tha se shqiptari vjen nga një zonë pranë alpeve në Shqipëri. Ai është një njeri i thjeshtë, që ka probleme edhe me aftësinë për t’u shprehur.

Gjyqi vazhdon.