Shkalla ndërron papritur drejtim, 18 të plagosur në një qendër tregtare

407
Sigal

18 persona u plagosën në një qendër tregtare të Hong Kongut kur shkalla levizese qe po ngitej, ndërroi befas drejtim dhe rriti shpejtësinë.
Ndryshimi i drejtimit të levizjes dhe sidomos rritja e shpejtësisë i kapi në befasi njerëzit e shumtë që po përdornin shkallën në ato momente.
Disa u rrëzuan duke u përplasur me të tjerët në fund të shkallës.
Nga të plagosurit, vetëm një burrë që përplasi kokën pati dëmtime serioze dhe u dërgua në spital.
Shkalla 45 metra e gjatë, një nga më të gjatat në Hong Kong, lidhte katin e katërt me katin e tetë të qendrës tregtare dhe specialistët mendojnë paraprakisht se ka qenë një defekt në sistemin e frenimit që shkaktoi aksidentin.