“Sherifët e rinj në veri”, gazeta zvicerane: Oliver Ivanoviç s’u vra nga shqiptarët

34
“Me vrasjen e Oliver Ivanoviçit është shuar një nga zërat e fundit të pavarur serbë. Kështu po merr fund procesi që ka filluar në vitin 2013”, shkruan gazeta Neue Zuchrer Zeitung.
Gazeta zvicerane thotë se ky ka qenë disiplinim i serbëve kosovarë nga Beogradi, përcjell Koha.net.

Në tekstin me titull “Sherifë të rinj për veri të Kosovës”, gazetari Andreas Ernst shkruan për situatën në veri të Kosovës dhe ndikimin politik të Beogradit. Ai përkujton se ende nuk është ndriçuar vrasja e që u bë më 16 janar.
“Që atëherë asgjë më nuk është dëgjuar. Për aktorët e mundshëm askush nuk dëshiron të spekulojë, për këtë në pjesën veriore të Mitrovicës askush nuk dëshiron të flasë me një të huaj. Por në një të gjithë pajtohen: Vrasjen s’e kanë bërë shqiptarët. Kjo është indikativë”, ka shkruar ai. Viti 2013 që mendohet të jetë kthesë, është koha kur veriu i Kosovës, sipas dëshirës së Beogradit mori pjesë në zgjedhjet lokale, përkujton kjo gazetë e cila në vazhdim tregon se si u krijua Lista Serbe nga kryetari serb Aleksandar Vuçiç.