Dy burra u arrestuan në Teksas pasi dyshohet se qëlluan dhe vranë fqinjin e tyre gjatë një mosmarrëveshjeje rreth koshit të mbeturinave në një rrugicë.
John Miller, 67 vjeç, dhe djali i tij, 31-vjeçari Michael Miller, u arrestuan pasi qëlluan për vdekje Aaron Hoëard, 37 vjeç, njoftoi Departamenti i Policisë Abilene.
“Nuk ke për të ma qëlluar burrin”, dëgjohen fjalët e të fejuarës së viktimës që filmon dy fqinjët, at e bir, të dy me armë në dorë, teksa përplasen për një kosh plehrash te rrugica e përbashkët midis shtëpive.
“Provo të ma drejtosh armën”, dëgjohet 37 vjeçari Aaron Hoëard, në Abilene, Texas, SHBA, pak para se dy fqinjët ta qëllojnë për vdekje.
Videoja është filmuar nga e fejuara e viktimës, Kara Box, dhe tregon 67 vjeçarin Xhoni Miller bashkë me djalin e tij, Majkëll Miller, deri në çastin që qëllojnë.
Avokati i të fejuarës e postoi videon në rrjetet shoqërore dhe tha se të gjithë duhet ta dinë se çfarë ndodhi, dhe se akuzat për vrasje duhet të qëndrojnë.
Shefi i policisë së Abilene tha se numri i lartë i krimeve bëri që të mos kishte asnjë polic të lirë, ndaj nuk mundën të ndërhynin në kohë për të parandaluar ngjarjen.
