SHBA paralajmëron Rusinë dhe Sirinë përpërshkallëzim të konfliktit

506
Sigal

Shtetet e Bashkuara kanë paralajmëruar Damaskun dhe Moskën se cdo kërcënim ushtarak në provincën e kontrolluar nga Siria në ditët në vijim, mund të përshkallëzojë luftën shtatëvjecare civile në Siri.

Ky paralajmërim vjen nga sekretari amerikan Mike Pompeo, pasi rebelët në Idlib të Sirisë, në kufi me Turqinë, kanë shembur urat në përgatitje të sulmit të premtuar nga liderët e Sirisë dhe Rusisë që po ofron mbështetje ajrore për forcat siriane.

“Shtetet e Bashkuara e shohin këtë si eskalim të një konflikti të rrezikshëm”, shtoi Pompeo në Twitter.
“Tre milionë sirianë që tanimë janë larguar nga shtëpitëe tyre dhe janë në Idlib, do të vuajnë nga ky aggression. Jo mirë. Bota po ju shikon”, tha Pompeo, shkruan rel.

Kombet e Bashkuara kanë paralajmëruar se një operacion ushtarak në Idlib mund të zhvendosë 80,000 persona nga lufta që ka lënë të vrarë 50,000 persona dhe ka zhvendosur mijëra të tjerë.