SHBA lëshoi sanksionet e saj “më të vështira ndonjëherë” kundër Iranit këtë të hënë, një lëvizje që ka ngjallur tashmë protesta masive në kombin e pasur me naftë.
Administrata Trump rivendosi të gjitha sanksionet e hequra nga marrëveshja bërthamore e vitit 2015, duke synuar Iranin dhe shtetet që tregtojnë me të.
Ata do të godasin eksportet e naftës, anijet dhe bankat të cilat janë shtyllat kryesore të ekonomisë iraniane.
Mijëra iranianë që këndonin “Vdekje Amerikës” u mblodhën të dielën, duke hedhur poshtë thirrjet për bisedime.
Presidenti iranian Hassan Rouhani u zotua të shesë naftë dhe t’i thyejë sanksionet.
Ushtria u citua gjithashtu të ketë thënë se do të mbajë stërvitjet e mbrojtjes ajrore të hënën dhe të martën për të provuar aftësitë e vendit.
Demonstratat u zhvilluan në 39 vjetorin e okupimit të ambasadës amerikane në Teheran, gjë që çoi në katër dekada armiqësi reciproke.
Përpara se të udhëtojë për një fushatë në kuadër të zgjedhjeve afatmesme në SHBA, Presidenti Donald Trump tha se Irani po luftonte tashmë nën politikat e administratës së tij.
Ai i quajti sanksionet, “shumë të forta”, duke thënë: “Ne do të shohim se çfarë do të ndodh me Iranin, por ndërkoh mund t’ju them se ata nuk po bëjnë shumë mirë”.
Uashingtoni ri-imponoi sanksionet pasi Trump në muajin maj u tërhoq nga një marrëveshje e vitit 2015 që synonte frenimin e ambicjeve bërthamore të Iranit.
Uashingtoni gjithashtu thotë se dëshiron të ndalë ato që i quan aktivitete “të keqija” të Teheranit, duke përfshirë sulmet kibernetike, testet e raketave balistike dhe mbështetjen për grupet dhe milicitë e dhunshme ekstremiste në Lindjen e Mesme.
Britania e Madhe, Gjermania dhe Franca – të cilat janë ndër pesë vendet e angazhuara ende ndaj paktit bërthamor – i kanë kundërshtuar të gjitha sanksionet.
Ata kanë premtuar të mbështesin firmat evropiane që bëjnë “biznes të ligjshëm” me Iranin dhe kanë ngritur një mekanizëm alternativ pagimi – ose Automjet për qëllime të veçanta (SPV) – që do të ndihmojnë kompanitë që të tregtojnë pa u ndeshur me dënimet amerikane.
Administrata Trump ka dhënë përjashtime ndaj tetë vendeve për të vazhduar importimin e naftës iraniane.
Ato përfshijnë aleatët e SHBA-së si: Italinë, Indinë, Japoninë dhe Korenë e Jugut, së bashku me Turqinë, Kinën dhe Indinë.
Sanksionet amerikane përkojnë me përvjetorin e rrethimit të ambasadës amerikane më 4 nëntor 1979, e cila u bë menjëherë pas rënies së shahut të mbështetur nga SHBA.
Rreth 52 amerikanë u mbajtën peng në ambasadë për 444 ditë. Irani dhe SHBA-të kanë qenë armiq që nga ajo kohë.
Të dielën, protestuesit iranian gjithashtu zbuluan zemërimin e tyre për sanksionet.
Mediat iraniane shtetërore thanë se miliona njerëz dolën nëpër sheshët e qyteteve duke u betuar me besnikëri ndaj Liderit Suprem Ayatollah Ali Khamenei.
Ajatollah Khamenei të shtunën, në një fjalim të zjarrtë që mbajti përpara protestuesve paralajmëroi se SHBA nuk do të “rivendosë dominimin” që kishte mbi Iranin përpara 1979.
