Siç është paralajmëruar Serbia sot do të hapë dy kapituj të rinj të negociatave për pranim në Bashkimin Evropian dhe gjithashtu sipas Tanjug, pritet të ketë rezultate në mbylljen e kapitujve në rrugën e saj drejt anëtarësimit në BE, transmeton Indeksonline.
Sipas këtij raportimit, kapitujt priten të hapen teksa përkohësisht mbyllet edhe konferenca e pestë ndërqeveritare në Bruksel.
Kapitulli 26 ka të bëjë me arsimin dhe kulturën, ndërsa kapitulli 20 me ndërmarrjet dhe politikat industriale.
Malta, e cila aktualisht mban presidencën e Këshillit të BE-së, ka caktuar për sot konferencën ndërqeveritare BE-Serbi.
Serbia ka nisur negociatat për anëtarësim në bllok në janar të vitit 2014 dhe deri më tasni ka hapur gjashtë nga 35 kapitujt.