Senatori amerikan, Ronald Johnson, anëtar i Komitetit të Senatit për Politikë të Jashtme, mbërrin sot për vizitë në Kosovë.
Sipas axhendave të njoftuara deri tani, Senatori Johnson do pritet në takime të veçanta nga presidenti i Republikës së Kosovës, Hashim Thaçi, dhe kryeministri Isa Mustafa.
Media ka njoftuar se, dje në Beograd, senatori amerikan Johnson është takuar me presidentin e Serbisë Aleksandar Vuçiç, ku kanë biseduar për Kosovën, dialogun, ekonominë e integrimet europiane.
