Presidenti i Turqise
Rexhep Tajip Erdogan ka sulmuar edhe nje here SHBA, duke e kritikuar se nuk i
ka dhene ndihmen as me te vogel Turqise ne luften kunder terrorizmit.
“Ku është NATO?” Pyeti
Erdogan. “Ndërsa Turqia është përballur me kërcënime përgjatë kufijve të
saj me Sirinë dhe madje edhe me bomba, NATO ishte pothuajse tërësisht
inekzistente”, vuri në dukje presidenti turk.
“Sot, ne nuk shohim
mbështetjen më të vogël për operacionin tonë nga të dyja, as nga NATO, as nga
kombet aleate që kanë pushtet në rajon. Koalicioni gjoja i themeluar për të
luftuar [ISIL] nuk ka ofruar ndonjë kontribut në operacionin në el-Bab, i cili
ka sjelle viktimat më të shumta në numër”,- tha Erdogan.
“Aleatët e NATO-s duhet
të qëndrojnë me partnerët e tyre në Siri, jo me organizatat terroriste,” shtoi
ai në një deklaratë në Ankara më 29 dhjetor.
Erdogani fillimisht
kritikoi dështimin e koalicionit ndërkombëtar të udhëhequr së SHBA për të
siguruar mbështetje ushtarake për funksionimin e vazhdueshëm të Turqisë ne
al-Bab kundër Shtetit Islamik të Irakut dhe Levant (ISIS).
“Ju i dërguat armë
organizatave terroriste, por pastaj thatë: “Ne i kemi dërguar municion, jo
armë.
“Ne as nuk e hamë atë,
as nuk e pranojmë. Edhe pse jemi partnerë në NATO, ju jeni ata që po i jepni
mbështetje organizatave terroriste, jo ne. Janë organizatat terroriste partneri
juaj në NATO? Nëse ne jemi partnerë strategjikë në NATO, atëherë ju duhet të
qëndroni me ne”, tha ashper Erdogan.
Vendet anetare te
NATO-s duhet të lënë mënjanë hipokrizinë dhe të vendosin nëse aleati i tyre
është Turqia apo disa terroristë në Siri, tha presidenti Erdogan nder te tjera.
Presidenti paralajmëroi
se organizatat terroriste të mbështetura nga Perëndimi përfundimisht do të
sulmojnë kombet që i mbështesin ato:
“Herët a vonë, grupet
terroriste si PKK gjithmonë kafshojnë dorën e cila i ushqen ato”, tha ai.
“Ata qe punojne me
organizatat terroriste te jene te gatshem te mbyten ne gjak ose ne lot”, shtoi
Presidenti.
Tensionet mes dy
vendeve u rritën pasi Erdogani kritikoi ashpër Shtetet e Bashkuara se po i
siguronte mbështetje ISIS, PYD dhe YPG.
Ai tha se Turqia kishte
prova për këtë mbështetje, por nuk jepte informacion më të detajuar.
Përgjigja e parë e
Uashingtonit erdhi nga zëdhënësi i Departamentit të Shtetit, Mark Toner, i cili
i kategorizoi akuzat e Erdoganit si “qesharake”, shkruan Panorama.
Ambasada e SHBA-së në
Ankara lëshoi një deklaratë të veçantë më 28 dhjetor duke mohuar akuzat. “Qeveria
e Shteteve të Bashkuara nuk po mbështet ISIS. Qeveria e Sh.BA nuk ka krijuar
ose mbështetur ISIS në të kaluarën. Pohimet se qeveria e Shteteve të
Bashkuara po mbështesin ISIS nuk janë të vërteta”, thuhej ne deklarate, duke
përdorur një akronim arabisht për grupin xhihadist.
