Sekretari amerikan i Shtetit,, Rex Tilllerson, ka mbledhur në Uashington D.C., ministrat e Koalicionit Global anti-ISIS; ndër ta është edhe ministri i Jashtëm i Shqipërisë Ditmir Bushati. Takimi do të mbahet nga 20 deri më 22 mars.
Ministria e Jashtme ka njoftuar se në fokus të vizitës së ministrit Bushati do të jenë marrrëdhëniet dypalëshe, lufta kundër terrorizmit, siguria, zhvillimet e fundit në rajon dhe roli i SHBA në rajon.
Gjatë datave ku do të mbahet takimi, Bushati pritet të takohet me përfaqësues të asministratës së re amerikane dhe anëtarë të Dhomës së Përfaqësuesve dhe të Senatit.
