Tjeter tragjedi me emigrantët, por kësaj radhe ka ndodhur jo në det.
Rreth 50 persona janë gjetur të vdekur në një kamion në Austri.
Lajmi është bërë i ditur nga mediat vendase, të cilat specifikojnë se kamioni në të cilin u gjetën trupat e pajetë është gjetur i parkuar në autostradën A4 të Austrisë.
Emigrantët e mbyllur në kamion kanë humbur jetën si pasojë e asfiksisë.
Sipas infomacioneve, shoferi i kamionit pas konstatimit të tragjedisë është larguar, duke lënë mjetin së bashku me viktimat në mes të rrugës.
Numri i të vdekurve nuk është zyrtar, por mediat raportojnë se mund të shkojë deri në 50. Mediat vendase raportojnë se trupat janë thuajse të dekompozuar, gje e cila tregon se emigrantët kanë humbur jetën kohë më parë dhe ngjarja është mbajtur e fshehur.
