Një refugjat sirian ka fituar rreth një milion euro në lotarinë franceze, pasi bileta fituese ishte mes disa biletave gërvishtëse që kishte marrë. Burri, që është në të tridhjetat, u largua nga vendi i tij më 2011 ku ishte biznesmen dhe u vendos në periferin veriore të Parisit, ku gjeti punë si punëtor krahu. Ai e bleu biletën fatlume në Paris disa muaj më parë, por detajet se fituesi ishte një refugjat sirian u bënë të ditura dje nga lotaria franceze,.
Sipas raportimeve të mediave franceze, ai i përdori paratë për të blerë një apartament dhe do të sjellë pjesën tjetër të familjes në Francë. Ai gjithashtu ka në plan të hapë një restorant dhe të përmirësojë frëngjishten e tij. Para se të shkonte në Francë, burri kishte një biznes të vogël të tijin në Siri, por u detyrua të braktiste vendin për shkak të luftës që ka zhvendosur gati gjysmën e popullsisë dhe ka vrarë më shumë se 250 mijë njerëz.
