Presidenti i Shteteve të Bashkuara, Donald Trump dhe kryeministri i Japonisë, Shinzo Abe, kanë biseduar për Korenë e Veriut, duke përfshirë edhe takimin mes Trumpit dhe liderit verikorean, Kim Jong Un, ka njoftuar Shtëpia e Bardhë.
Shtëpia e Bardhë ka thënë se dy liderët vazhdojnë të jenë përkushtuara për bashkëpunim me Korenë e Jugut dhe “afrimuan qëllimin e përbashkët që Koreja e Veriut të heqë dorë nga armët e saj të shkatërrimit në masë dhe programit të raketave balistike”, thuhet në njoftimin e Shtëpisë së Bardhë.
Presidenti Trump njoftoi sot se do të takohet me liderin e Koresë së Veriut, Kim Jong Un më 12 qershor në Singapor.
Ky zhvillim vjen pasi Koreja e Veriut ka liruar tre të burgosur amerikanë, të cilët janë kthyer në SHBA.
Sekretari amerikan i Shtetit, Mike Pompeo ka qëndruar më 9 maj në Phenjan për të mundësuar lirimin e të burgosurve amerikanë dhe organizimin e takimit Trump-Kim.
