Me gjasë India është vendi nga prej të cilit dëgjojmë ngjarjet më makabre si të krimit në familje por edhe në një rreth më të gjerë.
Kështu, një 10-vjeçare e përdhunuar nga dy xhaxhallarët e saj ka sjellë në jetë një vajzë gjatë muajit gusht. Është dashur kjo provë që gjykata në Indi të dënonte dy burrat.
BBC shkruan:
Shtatëzania e vajzës u zbulua vetëm në muajin korrik, pasi vogëlushja ishte ankuar për dhimbje stomaku dhe prindërit vendosën ta dërgonin në spital.
“Megjithatë, vajza nuk ishte e vetëdijshme për shtatëzaninë e saj dhe i thuhej se kishte gurëza në bark.”
Fëmija e sjellë në jetë nga e mitura u është dorëzuar autoriteteve për mirëqënien e fëmijëve.
Ndërkohë, 10-vjeçarja ka rrëfyer se ishte përdhunuar disa herë gjatë 7 muajve të kaluar nga xhaxhai i madh, i cili ishte rreth të dyzetave, transmeton jeta osh qef.
Por, vetëm pasi u krye testi i ADN-së u zbulua se fëmija nuk ishte i xhaxhait të madh dhe policia nisi të kërkonte të dyshuarin dhe arrestoi këtë shtator xhaxhain e dytë, i cili rezultoi edhe babai biologjik i fëmijës së 10-vjeçares.
Rasti dramatik i kësaj vogëlusheje ka mbushur faqet e gazetave kryesore të shtypit indian, por ka kaluar edhe në nivel global.
E vogla ishte 30 javëshe shtatzënë kur gjykata vendase në Chandigarh hodhi poshtë kërkesën e familjes për abortim me arsyetimin se shtatzënia e saj ishte shumë e avancuar.
Ligji indian nuk lejon abortin pas 20 javëve, vetëm nëse mjekët vërtetojnë se jeta e nënës është në rrezik.
Në Indi ka shumë raste kur vajzat e mitura përdhunohen dhe sërish organizatat e shumta nuk arrijnë të ndërhyjnë në këto struktura shoqërore.
