Ndërkohë që mbetet ende për t’u zbuluar shumë nga skandali i “Panama Papers”, revista “Trend” ka botuar së fundi disa të dhëna interesante, që tregojnë miliardat nga vende të ndryshme të botës, të fshehura në zonat offshore apo ato që njihen ndryshe si parajsat fiskale. Në total mendohet se janë plot 7600 miliardë dollarë në zonat offshore. Nga këto, 2600 miliardë janë të Evropës, 1300 miliardë janë të Azisë dhe 1200 miliardë janë në Amerikës. Ndërkohë, nga Arabia kanë ardhur 800 miliardë dollarë, nga Amerika Latine 700 miliardë dollarë, ndërsa Rusia 200 miliardë dollarë. Nga një llogaritje e thjeshtë rezulton se afro 8% e gjithë pasurisë botërore ndodhet në zonat offshore.
