Ndalimi i artistëve në kufi, reagon Haradinaj: Serbia po rrënon gjithçka

483
Sigal

Kryeministri Ramush Haradinaj ka reaguar pas ndalimit të Eliza Hoxhës në kufi me Serbinë. Ai thotë se me veprime të tilla, Serbia po rrënon gjithçka.

Haradinaj shkruan se artistët dhe të rinjtë nga Kosova po i nënshtrohen bastisjes së rreptë në kufi me Serbinë.

“Autoritetet serbe me aktin e ndalesës në kufi të artistëve kosovarë, të ftuar në festivalin ‘Mirëdita, dobar dan’ në Beograd, po rrënojnë edhe ato pak mundësi për vendosjen e një komunikimi normal me Kosovën, qoftë edhe përmes artit, si gjuhë universale.
Artistët dhe të rinjtë nga Kosova po i nënshtrohen bastisjes së rreptë në kufi me Serbinë, ku policia serbe ua ka bërë me dije se dy ekspozita nuk do të lejohen për shkak të përmbajtjeve artistike të tyre.
Me pengimin e lëvizjes së lirë të njerëzve dhe ideve, Serbia po e minon normalizimin e marrëdhënieve me Kosovën, që është në kundërshtim me frymën dhe vlerat europiane”, shkruan Haradinaj.