Kancelarja gjermane Angela Merkel ka kërkuar nga Athina të zbatojë reformat. Pas takimit me kryeministrin grek Aleksis Tsipras, Merkel gjatë një konference të përbashkët për shtyp theksoi se qeveria e re greke duhet që të zhvillojë konsultime me institucionet ndërkombëtare.
Kancelarja Merkel nxiti qeverinë greke për të ndërmarrë reforma të shpejta si dhe u bëri thirrje që të ndërhyjë në administratën publike. Sipas saj Athina do të dalë e fortë nga kriza.
Nga ana tjetër kryeministri grek Tsipras tha se e ka kërkuar ndihmën e Gjermanisë për të stabilizuar Greqinë. Gjithashtu për demshperblimin e luftës, Tsipras tha se të dy vendet duhet të punojnë për këtë që të gjendet një zgjidhje, sepse kjo çështje është e dy shteteve.
Tsipras në fund e ka falenderuar kancelaren dhe theksoi se do të vazhdohet që të implementohen të gjitha impenjimet e tyre, ku theksoi se ende ka shumë gjëra për të diskutuar.