Një i vdekur dhe dy të plagosur është bilanci paraprak i një aksidenti hekurudhor në Luksemburg. Sipas policisë franceze, përplasja kokë më kokë e dy trenave ndodhi rreth mesditës në pjesën jugore të qytetit.
Një tren pasagjerësh u përplas më një tren mallrash kokë më kokë, në qytetin e Bettembourg-ut shumë pranë kufirit me Francën. Për pasojë humbi jetën shoferi i trenit të pasagjerëve.
Ndërkaq të plagosur rëndë mbetën shoferi dhe drejtuesi i bordit të trenit të mallrave.
Autoritetet kanë pezulluar trafikun hekurudhor midis qyteteve të Luksemburgut dhe Thionville në France për 48 orët në vijim.
Policia po punon për zbardhjen e shkaqeve të aksidentit.