Presidenti amerikan Barak Obama do të dërgojë 500 trupa të tjerë në Irak, të cilët do të ndihmojnë në trajnimin e forcave ushtarake vendase që luftojnë kundër Shtetit Islamik.
Sipas informacioneve nga administrata Obama, trupat amerikane do të vendosin bazat e tyre në provincën e Anbarit, ku edhe më pas do të nisë stërvitja e përbashkët. Më herët gjatë javës, presidneti amerikan deklaroi se Shtetet e Bashkura të Amerikës duhet të hartojnë një strategji të plotë për të ndihmuar Irakun të rimarrë territoret e kosnfiskuara tashmë nga militantët esktremistë.
Shteti Islamike mori kontrollin e qytetit të dytë më të madh të Irakut, Mosulit një vit më parë dhe që aktualisht jeta e banorëve atje është shndërruar në ferr. Por avancimi i kapjes së territoreve nga Shteti Islamik vijon pavarësisht sulmeve ajrore të koalicionit ndërkombëtar, drejtuar nga Shtetett e Bashkuara. Aktualisht në Irak ndodhen rreth 3,000 ushtarakë amerikanë, përfshirë trajnerët dhe këshilltarët. Por situata atje është kritike.
Vetëm të martën 20 persona humbën jetën si pasojë e shpërthimeve të ndryshme me bomba në Bagdad. Të gjithë viktimat ishin civilë të pafajshëm, duke lënë të kuptohet se ekstremistët nuk kanë në objektiv vetëm oficerët e policies, ushtrinë apo qeverinë
