Nga tensionet mes forcave maqedonase dhe refugjatëve në kufirin mes Maqedonisë dhe Greqisë, janë plagosur mbi 300 persona, ku sipas mediave perëndimore, bëhet fjalë për një letër shpërndarë refugjatëve. Mund të shikoni letrën me shkrimin arab, që në shqip nënkupton:
“Koha për të kaluar kufirin e Maqedonisë është nesër, e dielë, ora 9.00,” duke treguar edhe pikën e takimit. Letra shpresëdhënëse është pritur mjaft mirë nga refugjatët, por kur kanë tentuar ta kalojnë kufirin janë bllokuar nga forcat e rendit, që ka ardhur deri te eskalimi i situatës.Nuk dihet saktësisht kush qëndron pas këtyre fletëve informuese, por sipas dyshimeve paraprake, bëhet fjalë për aktivistët perëndimorë.
