Kroaci/ Babai hedh nga ballkoni 4 fëmijët e tij

450
Sigal

Mjekët e Spitalit të Përgjithshëm të Zarës në Kroaci njoftuan mbi gjendjen e 4 fëmijëve të cilët babai i tyre, të enjten rreth orës 7 të mëngjesit i hodhi nga ballkoni i shtëpisë së tyre, nga një lartësi prej 6 metrash.

Sipas mjekëve vajza 7-vjeçare është në gjendje kritike ndërsa dy vajzat tjera dhe djali janë në gjendje të qëndrueshme. Vajza 7-vjeçare ka disa lëndime në kokë dhe kraharor ndërsa gjendja e saj vazhdon të mos jetë e qëndrueshme.

Nëna e 4 fëmijëve ka ardhur në spitalin e Zarës e shoqëruar nga shërbimi social për të parë gjendjen e fëmijëve ndërsa babai është marrë në pyetje për të konstatuar rrethanat e krimit, njoftoi policia e Zarës.

Ministrja e Demografisë, Familjes, Rinisë dhe Çështjeve Sociale, Nada Murganiç njoftoi se do të shkojë personalisht për të mësuar nga afër rreth rastit. Ajo konfirmoi se kjo është një familje që u shpërngul në Viroviticë nga Pag, ndërkaq rastin e komentoi edhe kryeministri Andrej Plenkoviç, duke thënë se ky ishte një akt monstruoz i paparë ndonjëherë.