Komediani zgjidhet president i Ukrainës

181

Komediani ukrainas Volodymyr Zelensky ka shënuar një fitore të çmendur në zgjedhjet presidenciale të vendit.

“BBC” shkruan se me pothuajse të gjitha fletët e votimit të numëruara, Zelensky ka marrë më shumë se 73% të votave duke e lënë pas Petro Poroshenko-n me vetëm 24% të votave.

“Unë kurrë nuk do t’ju zhgënjej”, tha Zelensky në festimet para mbështetësve të tij.

Poroshenko, i cili pranoi humbjen pasi u publikuan sondazhet e para tëvotimeve, ka thënë se nuk do të largohet nga politika.

Zëdhënësi politik Zelensky, njihet për pjesëmarrjen në një seri televizive satirike, “Shërbëtori i Popullit”, në të cilin karakteri i tij aksidentalisht bëhet presidenti ukrainas.

Ndërkohë, Zelensky e pa veten në telashe me ligjin të dielën, kur ai tregoi votën e tij në kamera me një tik-tak pranë emrit të tij. Kjo shkeli rregullat zgjedhore të Ukrainës për sekretin e zgjedhjeve. Policia arriti në selinë e fushatës së Zelensky për të vënë një gjobë për veprën.

Zelensky, një aktor profesionist komedie, skenarist dhe producent, vjen në pushtet në Ukrainë, në valën e zhgënjimit me dështimin e Poroshenkos për të luftuar korrupsionin dhe një rënie të ndjeshme të standardeve të jetesës në Ukrainë gjatë pesë viteve të fundit.

Fushata e tij ishte ndërtuar mbi një premtim për të prishur një sistem të korruptuar të fuqisë oligarkike në vend.