Natën mes së Dielës dhe së Hënës, prej orës 4:11 deri në orën 5:23 në qiellin tonë do shfaqet një spektakël: Hëna do rritet dhe do marrë ngjyrën e kuqe, duke u quajtur ndryshe si Super Hëna e Kuqe. Një rast i ngjashëm ka ndodhë në vitin 1982. Shkencërisht kjo shpjegohet se Dielli, Toka dhe Hëna do ndodhen në një linjë dhe Toka me Hënën do afrohen më shumë se zakonisht. Për astronomët, sonte do kemi diçka të rallë dhe kontelacion mjaft të bukur.
Fakte mbi Hënën
Hëna është sateliti i vetëm natyral i Tokës dhe mjaft i rëndësishëm për të. Me një diametër 3476km, sa një e katërta e Tokës, sateliti natyral është 4.5 miliardë vite i vjetër. Nga Toka është i larguar 384.400km, ndërsa deri tani me projektin Apollo atë e kanë vizituar 12 persona. I pari që shkeli Hënën ishte Niel Amstrong në vitin 1969.
