Vetëm dy javë i ndajnë italianët nga dita e votimit, ku do të zgjidhet qeveria e re e vendit përtej Adriatikut. Aktualisht, Italia ka hyrë në zonën e “heshtjes zgjedhore”. Por ç’po ndodh?
Mediat vendase tregojnë se italianët kanë ndaluar botimin e sondazheve dy javë para zgjedhjeve të përgjithshme të 4 marsit: por zgjodhën forma të tjera për të treguar rezultate, përmes ‘kuajve të garës’.
Blogerët italianë kanë filluar të shkruajnë rezultatet e garave fiktive si një mjet për të përcjellë performancën e partive të ndryshme politike dhe koalicioneve, pa rënë në kundërshtim me ligjin. Prandaj, vëzhguesit e politikës së zjarrtë mund të shohin si favoritë Burlesk, një referencë jo pak e menduar për ish-kryeministrin Silvio Berluskoni dhe koalicionin e tij të qendrës së djathtë.
Ata gjithashtu mund të mësojnë më shumë për performancën e Louis le Subjonctif, një referencë për Luigi Di Maio të kandidatit kryesor të Lëvizjes së Pesë Yjeve dhe vështirësitë e tij të supozuara në përdorimin korrekt të kohës.
Kjo nuk është hera e parë që dy blogerët janë përpjekur të anashkalojnë legjislacionin e ndërprerjes së fushatës dhe ato nuk janë të vetmet. Një tjetër blog, është i njohur për botimin e sondazheve të supozuara me referenca dhe emra imagjinar për të treguar kandidatët e ndryshëm.
Gjatë periudhës së ndërprerjes dy javore, analistët vazhdojnë të kryejnë sondazhe të cilat qarkullojnë midis politikanëve, analistëve të tregut dhe të tjerëve, por nuk lejohet të botojnë gjetjet e tyre.
Gazetat dhe mediat e tjera kanë gjithashtu të ndaluara të publikojnë çfarëdo treguesish të qëllimeve të votimit, në mënyrë që të mos ndikojnë në zgjedhje.
