Një trup i skeletuar është gjetur në një fuçi vaji, ndërsa viktima mendohet si i përket një biznesmeni i vrarë rreth 15 vite më parë.
Ngjarja ka ndodhur në Barletta të Italisë dhe skeleti i gjetur në muajin qershor është identifikuar së fundi pas analizave të ADN-së.
“La Republica” shkruan se bëhet fjalë për biznesmenin Ruggiero Tresca, i cili u zhduk në mars të vitit 2001, 34-vjeçar në atë kohë. Përshkrimet e gruas së tij dhe të dhënat e tjera të dëshmitarëve tregojnë se ai mund të jetë biznesmeni Tresca.
Sipas gazetës, viktima bashkë me shqiptari Roland Lame, kishin një restorant, i cili ishte përdorur për të fshehur trafikun e drogës nga Shqipëria në Itali. Si pjesë e këtij aktiviteti, ai ishte përfshirë në konflikt me klanin “Cannito Lattanzio”, i cili në athë kohë kontrollonte trafikun e paligjshëm të drogës.
Fuçia ku u gjet skeleti mban rreth 2 mijë litra vaj ose naftë. Eshtrat ishin në gjendje të avancuar të dekompozimit, ndërsa ishte i mbështjellë me një qese të zezë.
Fshati ndodhet në kufirin midis Adria dhe Barletta, dhe mund të jetë vrarë me armë. Zbulimi ndodhi rastësisht pas reshjeve të shiut.