Një i ri shqiptar është qëlluar me armë në një qytezë pranë Napolit në Itali. Sipas medieve italiane ngjarja ka ndodhur në Castel Volturno.
I plagosuri është dërguar me urgjencë për të marrë ndihmën mjekësore, por për shkak të plagëve të rënda është transferuar në një spital më të specializuar.
Ende nuk dihet identiteti i shqiptarit të plagosur, por mediat e vendit fqinj sqarojnë se gjendja e tij është e rëndë. Nuk dihen as rrethanat e krimit që kanë çuar në plagosjen e të riut shqiptar.
Karabinierët janë treguar mjaft të rezervuar për të dhënë detaje të mëtejshme.