Ish-ministri i Administratës Publike në Qeverinë e Kosovës, tashmë ndihmës i drejtorit të Zyrës për Kosovë në Qeverinë e Serbisë, Lubomir Mariç, ka deklaruar se Universiteti në Mitrovicën veriore me çdo kusht do të mbetet në kuadër të sistemit arsimor të Serbisë dhe nuk do të hyjë nën ingerencat e Qeverisë së Kosovës, raporton agjencia shtetërore serbe e lajmeve Tanjug, transmeton Koha Ditore.
Duke folur me rastin e Ditës së studentëve në Mitrovicën veriore, Mariçi tha se ky universitet – të cilin qeveria serbe e quan “Universiteti i Prishtinës me seli të përkohshme në Mitrovicë” – “ka qenë dhe do të mbetet një prej themelatave kryesore kombëtare dhe dëshmitar i pranisë institucionale të Republikës së Serbisë në Kosovë dhe Metohi”.
